منتديات سكيكدة
يا ضيفنا الكريم سلام الله عليك ,, نعلم جميعاً ان المنتدى مكان لتبادل المنفعة ولكي نفيد ونستفيد ..
من فضلك ساهم بقدر المستطاع واجعل دورك فعال بالمنتدى على الأقل قم بشكر الشخص الذي إستفدت من موضوعه ..
فنحن نعمل جميعاً على نشر الفائدة فشارك في هذا العمل ولا تكتفي بالمشاهدة فقط ..


مـرحباُ بكمـ في منتديات سكيكدة
 
الرئيسيةالبوابةس .و .جبحـثالتسجيلدخول
المواضيع الأخيرة
» اصنع صورتك الشخصيه بنفسك
الأحد مارس 22, 2015 12:53 pm من طرف wahid

» أصنع بنفسك تصميم رهيب بأن تُظهر صورتك في المجلات او في اعلان في أحد الشوارع
الأحد مارس 08, 2015 5:45 pm من طرف wahid

» أكثر من 100 مرض وعلاجها بالأعشاب
الجمعة سبتمبر 19, 2014 5:09 pm من طرف wahid

» الأمير عبد القادر
الخميس أغسطس 21, 2014 6:08 pm من طرف wahid

» الإحتفال الرسمي بذكرى 20أوت 55-56 بسكيكدة(2014)
الخميس أغسطس 21, 2014 4:55 pm من طرف wahid

» - كتاب هجوم 20 أوت 55. -الذكرى ال59 لهجومات الشمال القسنطيني 20 أوت 55
الخميس أغسطس 21, 2014 4:37 pm من طرف wahid

» البسبوسة الجزائرية
الخميس يوليو 17, 2014 8:27 pm من طرف wahid

»  طبق الرشتة الجزائري
الجمعة يوليو 11, 2014 7:47 pm من طرف wahid

» كيف تختار برنامج إدارة محتوى لموقعك
الأربعاء مايو 14, 2014 12:46 pm من طرف wahid

» KeepVid: تحميل وحفظ أي فيديو من يوتيوب ...
الثلاثاء مايو 06, 2014 1:47 pm من طرف wahid

حكمة اليوم
ساعة

youtube sub 4 sub
أختر لغة المنتدى من هنا

شاطر | 
 

 يا من تريد قوة عشر رجال

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
wahid

avatar

عدد الرسائل : 542
العمر : 42
الموقع : التصوف اسلامي
تاريخ التسجيل : 21/11/2007

مُساهمةموضوع: يا من تريد قوة عشر رجال   الإثنين فبراير 03, 2014 4:46 pm

بسم الله الرحمن الرحيم

وصلى الله على سيدنا محمد بن عبد الله تعالى النبي اللأمي وأله وسلم تسليما

السلام عليكم اخواني الأفاضل ورحمة الله تعالى وبركاته

في هذا الموضوع اتحدث اليكم عن شيء يهم الرجال خاصة والمتزوجين عامة.

في طبيعة الأحوال لست من محبي كتابة هذه النوعية من المواضيع وكنت أخجل من طرحها,,, لكن رفقة باخواننا المتزوجين وما يحدث لهم من مشاكل نفسية مع زوجاتهم بسبب العجز أو الضعف......

قررت ان اعطيكم شيئا سوف تتذكروني به وان شاء الله تعالى تدعوا لي من قلوبكم.

تلقوا مني هذه الحكمه التي كانت من ذخائر الملوك وحكماء المغرب والهند والعراق قديما ومشهورة بينهم مع اختلاف الطرق لكن تلك اقواها وأشدها

هذه الحكمه تسمى ((( قوة الرجال وسعادة النساء المرضية )))....

اخواني من اراد منكم ان يكون لديه قوة عشر رجال حين يقوم بمهام الزوج الشرعية فعليه بالأتي دون ان يتفنن ويؤلف...

أولا :- المكونات ((( من عند العطار ولازم تكون جديده مش مركونه ومعتقه من مده طويله عنده )))

( 1 ) أوقية عود قرح { عاقر قرح }

( 2 ) أوقية فلفل أبيض

( 3 ) أوقية زنجبيل مطحون

( 4 ) أوقية بذر فجل

( 5 ) أوقية كبابة صيني

( 6 ) أوقية حب هان { اللي بنستخدمه في عمل الشوربة }

( 7 ) نصف كيلو عسل نحل منزوع الرغوة

( 8 ) صفار عشرين بيضه (( بلدي أو أحمر وسيبك من الأبيض ))

( 9 ) برطمان بلاستيك وابعد عن الزجاج خالص
_________________________________________

ثانيا :- طريقة التحضير

( أ ) تحضير العسل :- تحضر أناء ( حله ) تغسلها جيداااا,,, ثم تضع بها نصف كيلو عسل النحل الصافي,,, ثم تضعها على النار اللينه ( نار هادئه )....
وتتركها حتى يغلي العسل دون ان تغطي الاناء,,, وبعد ذلك ستجد على وجه العسل رغاوي تزيلها بالملعقه جيدا,,,, ثم تبعد الاناء عن النار وتغطيه الى أن يبرد العسل تماما.....

طبعا حضرتك مش هتروح تتفرج على المسلسل لحد ما يبرد العسل ,,,, انت عندك شغل تاني وهو تحضير المكونات لطبخها ....

( ب ) تحضير العطاره المذكورة أعلاه

طبعا كلنا عندنا شيء بيزعجني جدا اسمه ((( الهون ))) زي اللي بنزعج فيه الأطفال يوم السبوع

حضرتك حتضع فيه كل نوع لوحده وتدقه لحد ما يبقى ناعم جدا (( مطحون على الأخر ))

واللي عايز يريح دماغه وايده يستخدم مطحنة الخلاط ... انا بس حبيت ارضي كل الأذواق.. لان بعضنا الدق في الهون عندهم هوايه وانا أقصد النساء ربنا يكرمهم دنيا وأخرة.....

بعد ما تطحن كل نوع لوحده تحطهم على بعض وتقلبهم كويس ((( الى أن يحدث امتزاج للمكونات,,, باللغه العربيه الفصحى عشان أعرفكم اني مثقف برضه ))) هههه.

( ج ) حضرتك هتحط العشرين بيضه في اناء به ماء مغلي وتسلقهم كويس اوي

( د ) حضرتك هتكون محضر البرطمان البلاستيك أو ( البطرمان ) عشان محدش يزعل,,, دلوقت هتروح جري عند البوتاجاز وتحط الاناء اللي فيه العسل على نار هادئه

ولما يدفىء العسل تبدأ حضرتك في نفس الوقت انك تاخد الصفار من العشرين بيضه المسلوقين وتحطهم في طبق بلاستيك ((( اناء أو صحن ))) عشان الاخوه الفارسيين ممكن تزعجهم اللغه العاميه..

وبالملعقه تفرك الصفار وتخلطه بالمكونات العطاريه اللي طحنتها سيادتك قبل كده وتقلب فيهم لحد مايكونا شيء واحد (( مخلوطين جيدا ))...

بعد كده تروح عند الاناء اللي فيه عسل النحل المنزوع الرغوة بعد ما يكون دافي وتضع فيه الكلام اللي انت عملته وربنا يستر ههههه ...

تفضل تقلب فيه حضرتك حتى يتجانس الخليط وتشم رائحته اللي طبعا تغيرت عن كونها رائحة عسل نحل فقط ... اهم حاجه تكون النار هادئه خالص.

( ه ) حضرتك بعد ما تشيل الخليط من على النار ((( واوعى تنسى ومتطفيش البوتاجاز احسن تبقى مشكله ))) انا ماليش دعوه.

تضع الخليط في البرطمان البلاستيك بعد غسله جيدا ثم تحكم اغلاقه جيدا

وتضعه في مكان مظلم لمدة ثلاثة أيام للتعتيق...

ثالثا :- طريقة الاستخدام

اسمعني كويس وانتبه انت هتاخد كل يوم من الخليط قدر ملعقه ونصف ( ملعقة الطعام وليس الشاي )

على الريق قبل الفطار بساعه وقبل وجبة الغداء بساعه وقبل العشاء بساعه وقبل النوم

لمدة من اسبوع الى عشرة أيام ((( لا تقرب فيها زوجتك طيلة هذه المده ان كنت تريد الصالح لك فهذا شيء يجعلك تحتقر شيء اسمه الفياغراااااا )))

بعد العشرة أيام تتناول من الخليط مثلما ذكرت لك ولكن ملعقه واحده فقط عند كل وقت من الأوقات المذكورة......

بعد كده انت هتتجنن من نفسك واهل بيتك سترى عليهم الاستغراب......

ولو الصيادله عندهم هذا السر الحكيم كانوا رموا الفياجرا في سلة القمامه....

وقال ساعات بلاقي في الجرائد اعلان عن كريم معرفش اسم ايه وتمنه يهلك الوسط وحاجات تانيه ويقولك من اسرار الاعشاب الجبليه ونحن فقط لدينا السر واطلبنا نوصلك لحد البيت واسعار تخلي الراجل عايز يطلق مراته لانه اوفر له......

سيبكم من ده كله وانا طارق اتحدى اي صيدلي او عشاب ان يأتي بوصفه أقوى من هذه ولو كان له خبرة مائة عام.........

تجعلك يا أخي الفاضل تستطيع ان تتزوج اربعة نساء وتجدهم قليلين عليك..... بس اوعى تاخد الموضوع جد انا بس بقولك مثال .... مش عايز أي أخت تدعي عليا...

ملحوظه هامه عشان ما اكسبش ذنبك :-

حضرتك تكون شايل عندك ماء ورد وزيت كافور حرصا لانك اوقات هتلعن اليوم اللي بقيت فيه قوي من شدة القوه واصفرار وجهك...

فهذه الاشياء تدهن بها لتسكين القوه لديك.... وكمان تشرب من ماء الورد المخفف فيه زيت الكافور

ولا تكثر من الأمر واعطي لنفسك راحه بين الحين والأخر حتى لا تخسر صحتك والله تعالى يعينك.....

وانا وانت عارفين ان كل شيء ان زاد عن حده انقلب لضده.. فحكم عقلك أولا وتحكم في نفسك.....

وابقى سلم لي على الحبه الزرقاء اللي كلها كيماوي وبتضعف الرجوله والناس مش حاسه وفرحانه مؤقتا... دي ادمان....

رسالتي خلصت وما أردت الا منفعة الاخوه والأخوات المسلمين المتزوجين....

ان كنت استحق ادعوا لي من قلوبكم

أخوكم طارق عبد الوهاب عثمان

وعليكم السلام ورحمة الله تعالى وبركاته.
الرجوع الى أعلى الصفحة اذهب الى الأسفل
 
يا من تريد قوة عشر رجال
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات سكيكدة  :: قسم الاستشارات الطبية-
انتقل الى: